Вуэльта – 2014. Фабио Ару 11-ші кезеңде жеңіске жетті

Испанияда өтіп жатқан «Вуэльта» велобәйгесінің 11-ші кезеңінде қазақстандық «Астана» командасының велошабандозы Фабио Ару жеңіске жетті. «Тауға шығар алдында Гесник алғашқы болып шабуылдады, алайда бұл тым ерте еді. Ал, мәреге 2 шақырым қалғанда Контадор менің алғашқы шабуылыма жол бермеді. Мен сабырлық сақтап, екінші мүмкіндігімде бар күшімді салдым», - дейді мәреге бірінші келген Фабио Ару. Енді «Вуэльтаның» 11-ші кезеңінде мәреге қарсыластарынан 6 секундқа ерте келген Ару жалпы есепте 7-ші орынға көтерілді.