Вуэльта – 2014. «Астана» командасының велошабандозы Гуарнери 12-ші кезеңде үшінші келді

Испаниядағы «Вуэльта» жарысының 12-ші кезеңінде «Астана» командасының өкілі Якопо Гуарнери мәреге үшінші келді. Ал бұл кезеңде «Giant-Shimano» велошабандозы германиялық Джон Дегенкольб жеңіске жетті. «Omega Pharma-Quick Step» командасының өкілі Том Бонен екінші келді. Бұл кезең жалпы есепке айтарлықтай өзгеріс әкелген жоқ. Көш басында әлі «Tinkoff-Saxo» командасының спортшысы испаниялық Алберто Контадор тұр. Ал, 11-ші кезеңнің жеңімпазы «Астана» командасының велошабандозы италиялық Фабио Ару жалпы есепте Контадорға 2 минут 13 секнд ұтылып, 7-ші орында келеді.