Астанада велоспорттан Қазақстан чемпионаты өтеді

6-шы қыркүйек күні Астанадағы республикалық «Сарыарқа» велотрегінде велоспорттан Қазақстан чемпионаты басталады. Чемпионаттың ерекшелігі – спортшылардың нәтижесіне байланысты оларға UCI (Халықаралық Велоспорт федерация) рейтингісі бойынша ұпай беріледі. Ал, республикалық жарыс қорытындысы бойынша Оңтүстік Кореяның Инчхон қаласында 19-шы қыркүйекте басталатын XVII жазғы Азия ойындарына қатысатын велоспорттан ҚР Ұлттық құрамасы іріктеледі. Астанадағы жарыс 6-шы қыркүйекте басталып, 11-ші қыркүйекте аяқталады.