«Astana Pro Team» велокомандасы Андреа Гуардинимен келісімшартты ұзартты

Қазақстандық велокоманда «Astana Pro Team» италиялық шабандоз Андреа Гуардинимен арадағы келісімшарты ұзартты, деп хабарлайды Аstanafans.com. Андреа Гуардини биылғы маусымда «Тур де Лангкави» турнирінің үшінші және оныншы кезеңін, «Туре Дания» турнирінің екінші және төртінші кезеңін сондай-ақ, «Энеко Тур» турнирінің бірінші кезеңінің жеңімпазы атанған. Жуырда Андреа Гуардини өзінің карьерасындағы алғашқы ірі турнирі «Вуэльта» көпкүндігіне қатысқан болатын. «Андреа ол – спринтер. Биыл бірнеше турнирде жеңімпаздар қатарынан көрінді. Келесі жылы ол Кавендиш, Киттел және басқада әлемнің үздік спринтерлеріне лайықты қарсылас атанады, деп сенеміз», - дейді «Astana Pro Team» командасының бас менеджері Александр Винокуров. Фото: Аstanafans.com.