Алматыда президенттік сайлауды қолдауға арналған веложарыс өтті

Қазақстандық «ALMATY BROTEAM» тәуелсіз велокомандасы ҚР кезектен тыс президент сайлауына қолдау көрсету мақсатында веложарыс өткізді. Бәсеке әл-Фараби, Сайын, Райымбек даңғылы және шығыс айналма жолы арқылы өтіп, жалпы ұзындығы 65 шақырымды құрады. Жарысқа велоклуб мүшелері - команда капитаны Андрей Линник бастаған 60 велошабандоз қатысты. Айта кетелік, команда құрамына кәсіпқой спортшылардан басқа әуесқой велосипедшілер, белгілі кәсіпкерлер, ғылым мен мәдениет қайраткерлері, шенеуніктер және қарапайым қала тұрғындары кірді. Оларды ішінде Райымбек Баталов, Зейнолла Кәкімжанов, Валихан Тен, Нұрлан Смағұлов, Серік Тұрдалиев, Болат Өмірәлиевтер бар. Веложарыс Алматы қаласы әкімдігінің қолдауымен ұйымдастырылды. inform.kz