Алматыда баскетболшы қыздар арасында «The Tournament of Diamonds» халықаралық турнирі өтеді

28 мамырда Қазақ спорт және туризм академиясының баскетбол залында баскетболшы қыздар арасында «The Tournament of Diamonds» халықаралық турнирі басталады. Жарысқа Қазақстан атынан 6 студенттік команда (Алматы – ҚазСТА, ҚазМҚПУ, ҚазҰАУ және Шымкент қаласының студент қыздары) және Ресей (Астрахань) мен АҚШ (Огайо штаты) елдерінің спортшылары қатысады. Турнирге қатысушылардың жасы – 17-28 жас. Мұндай деңгейдегі жарыс Қазақстанда алғаш рет ұйымдастырылуда. «The Tournament of Diamonds» жарысының мақсаты – салауатты өмір салтын насихаттап, жастар арасында баскетболды кеңінен дамыту. Сонымен қатар, бұл турнир қазақстандық жас баскетболшы қыздарға тәжірибе жинап, ойын деңгейін көтеруге септігін тигізеді.