Алексей Луценко велоспорттан Қазақстан чемпионы атанды

Алексей Луценко Петропавлда өтіп жатқан велоспорттан Қазақстан чемпионатында жеңіске жетті. Жекелей сайыста сынға түскен Алексей туған қаласында өткен жарыста чемпиондық атаққа қол жеткізді. Екінші орынды былтырғы жеңімпаз өскемендік Даниил Фоминых иемденді. Ал, үздіктер үшітігін Солтүстік Қазақстан облысының спортшысы Жандос Бижігітов түйіндеді.