19 тамызда Астанада велотректен жастар арасындағы Әлем чемпионаты басталады

Бүгін «Сарыарқа» велотрегінде журналистерге арналған баспасөз мәслихаты өтті. Велотректен жастар арасындағы Әлем чемпионаты 19-23 тамыз аралығында Астанадағы «Сарыарқа» спорт кешенінде өтеді. Әлем біріншілігіне 32 елден 200-ге жуық спортшы қатысады, деп жоспарлануда. Жалпы саны 19 медаль жиынтығы сарапқа салынбақ. 10 медаль ерлер арасында, 9 медаль қыздар арасында. Айта кетейік, Әлем чемпионатын «KAZsport» телеарнасы көрсетеді.