А.Винокуров: Винченцо Нибали біздің командада қалуына 99 пайыз сенімдімін

«Астана» велоклубының бас менеджері Александр Винокуров италиялық спортшы Винченцо Нибали командада қалуы мүмкін екенін мәлімдеді. Еске сала кетейік, Винченцо Нибали мен қазақстандық команда арасындағы келісімшарттың мерзімі 2016 жылдың соңында аяқталады. «Бүгін Нибалидің агентімен сөйлестім, Винченцоға біздің команда қажет, өйткені жетістіктерге жету үшін мұнда жақсы жағдайлар жасалған. Оның 2017 және 2018 жылдары біздің команда құрамында қалуына 99 пайыз сенімдімін», - деді А.Винокуров.