Еркін күрес. Қазақ палуандары 10 жүлде олжалады

Краснояр қаласында (Ресей) қазақ спортшыларының қатысуымен 29 қараша мен 1 желтоқсан аралығында Олимпиада ойындарының үш дүркін чемпионы Бувайсар Сайтиевтің бәйгесі үшін еркін күрестен кадеттер арасындағы IX халықаралық турнир өтті.

13 салмақ дәрежесі бойынша өткен турнирге Ресей Федерациясы, Иран, Қазақстан, Әзірбайжан, Қырғызстан, Моңғолия, Тәжікстан, Өзбекстан, Германия және Бельгия елдерінің 348-ге жуық балуаны қатысты.

Аталмыш додада қазақстандық еркін күресшілер сәтті өнер көрсетіп, түрлі дәрежедегі медальдар жиынтығының 10 данасын қоржынға салды.