Дзюдошы Жақсыбек Жеңісбек Санкт-Петербургте өткен турнирде топ жарды

Ресейдің Санкт-Петербург қаласында 19-20 сәуірде өткен дзюдодан жасөспірімдер арасындағы Еуропаның ашық кубогында қазақстандық дзюдошылар 1 алтын және 3 қола медаль жеңіп алды. Жарыстың бірінші күні 55 келіде Жақсыбек Жеңісбек бірінші жеңімпаз атанды. Ол финалда татами иесі Магомед Соломгериевтен басым түсті. Ал ресейлік спортшы жартылай финалда Асылжан Сейдуәліні жеңген еді. Асылжан өз кезегінде қола жүлде иеленді. Сондай-ақ, кіші финалда отандасы Нұрдәулет Оразды ұтқан Мейірлан Баймағанбетов (60 келі) пен Ерасыл Сәкенұлының (66 келі) еншісінде де қола жүлде бар. Фото - judo.ru