Испанияда грек-рим күресінен Гран-при өтеді

5 шілде күні Мадридте грек-рим күресінен «Гран-при Испания» XIV халықаралық турнирі өтеді. Бұл туралы Kazakhstan Wrestling Online хабарлайды. Қазақстан құрамасы аталған турнирге бірінші нөмірлі палуандарын қатыстырады: 59 келі - Алмат Кебіспаев, Ербол Коңыратов. 71 келі - Асхат Жаңбыров, Мақсат Ережепов. 75 келі - Досжан Кәртіков. 80 келі - Азамат Күстібаев. 85 келі - Нұрсұлтан Тұрсынов. 98 келі - Жанарбек Қабдолов, Ерұлан Ысқақов. Ал ауыр салмақтағы үздік балуанымыз Нұрмахан Тінәлиев (130 келі) 2014 жылғы алғашқы жарысына қатысады. Ол маусымның 27-29 аралығында Германияның Дортмунд қаласында өтетін Гран-при турнирінде бақ сынайды.