Нұрмахан Тінәлиев – Азия чемпионы, Нұрсұлтан Тұрсынов күміс жүлдегер

Катар астанасы Дохода күрес түрлерінен Азия чемпионаты аяқталды. Грек-рим стилінде күрескен палуандарымыз жақсы нәтиже көрсетті. Мысалы, 130 келі салмақ дәрежесінде күрескен Нұрмахан Тінәлиев Азия чемпионы атанды. Ол алғашқы кездесуде Ирак елінің палуаны Хайдер Абдулрахим Каабиді ұтса, ширек финалда үнділік Навин Навиннен 9:1 есебімен басым түскен. Жартылай финалда отандасымыз ирандық Башир Бабаджанзалехті жеңді. Ал, финалда қытайлық палуан Куанг Менгпен кездескен Нұрмахан жеңіске жетіп, алтын медаль ұтып алды. Сонымен қатар, грек-рим стилінде сынға түскен Нұрсұлтан Тұрсынов (85 келі) Катардағы Азия чемпионатының күміс жүлдегері атанды. Ол алғашқы айналымда қырғыз Жанарбек Кенжеевтен басым түссе, жартылай финалда жапониялық Таичи Оканы ұтты. Ал, финалда Нұрсұлтан өзбекстандық палуан Руслан Ассакаловқа есе жіберді.