«KAZsport» телеарнасы дзюдодан «World Masters» турнирін тікелей эфирде көрсетеді

23-24 мамыр аралығында Рабатта (Марокко) дзюдодан беделді коммерциялық World Masters Mohammed VI турнирі өтеді. Жарыстың жүлде қоры – 200 мың АҚШ доллары. Турнирге әлемнің түкпір-түкпірінен өз салмағының мықты спортшылары келеді. Олар қомақты жүлделермен қатар, 2016 жылы Рио-де-Жанейрода (Бразилия) өтетін Олимпиада ойындарына қатысуға мүмкіндік беретін ұпайларды да сарапқа салады. Жарыс ерлер арасында 60, 66, 73, 81, 90, 100, + 100 келі, ал әйелдер арасында 48, 52, 57, 63, 70, 78, + 78 келі салмақ дәрежесінде өтеді. Әр белдесу ерлерде 5 минут, әйелдерде 4 минут. Бұл жарысты «KAZsport» телеарнасы тікелей эфирде көрсетеді. Көрсетілім кестесі: 23 мамыр, 21:55. «ДЗЮДО. Турнир «World Masters». Рабат (Марокко). 1-ші күн. Тікелей эфир 24 мамыр, 21:55. «ДЗЮДО. Турнир «World Masters». Рабат (Марокко). 2-ші күн. Тікелей эфир