Нұрмахан Тінәлиев Біріккен күрес әлемінің (UWW) рейтингісінде 5-ші орында

Грек-рим стиліндегі күрестен жаңартылған Біріккен күрес әлемінің (UWW) әлемдік палуандар рейтингі шықты. Рейтинг тізімінде алты қазақстандықтың есімі бар: 59 келіде өнер көрсететін Алмат Кебіспаев - 19-шы орында. Демеу Жадырәлиев (66 келі) - 12-шы орында және тағы бір осы салмақ өкілі Айбек Еңсеханов - 17-шы орында. Ал, Асхат Ділмұхамедов (80 келі) - 14-ші орында болса, 85 келіде күресетін Нұрсұлтан Тұрсынов - 19-шы орында. Жерлестеріміздің арасында ең үздік көрсеткіш аса ауыр салмақта күресетін Нұрмахан Тінәлиевтің еншісінде. Ол 5-ші орында тұр.