Грек-рим күресінен Әлем чемпионатына қатысатын Қазақстан құрамасы белгілі болды

Астанада өткен Президент Кубогының соңғы күні Қазақстан құрамасының грек-рим күресінен бапкерлер кеңесі өтті. Оның қорытындысы бойынша 2015 жылғы 7-13 қыркүйекте Лас-Вегаста өтетін Әлем чемпионатына келесі палуандар іріктелді: Алмат Кебіспаев (59 келі), Демеу Жадыраев (66 келі), Дархан Баяхметов (71 келі), Досжан Картықов (75 келі), Асхат Ділмұхамедов (80 келі), Нұрсұлтан Тұрсынов (85 келі), Ерұлан Ысқақов (98 келі), Нұрмахан Тінәлиев (130 келі). 10 тамызға дейін палуандар жеке бағдарлама бойынша жаттығып, кейін Ұлттық құрама Алматы облысындағы «Ақ-Бұлақ» кешенінде жиын өткізеді. Ал, 24 тамызда команда Колорадо (АҚШ) қаласына оқу-жаттығу жиынына аттанады. Осыдан соң Таңат Сағындықов шәкірттері 7-13 қыркүйек аралығында өтетін Лас-Вегастағы Әлем чемпионатына жол тартады.