Аманғали Бекболатов күрестен жастар арасындағы Әлем чемпионатында қола медаль иеленді

Осы күндері Бразилияның Сальвадор-да-Баия қаласында күрестен жастар арасындағы Әлем чемпионаты өтуде. Жарыстың алғашқы күні грек-рим стилінде күресетін қазақстандық палуан Аманғали Бекболатов (50 келі) қола медаль жеңіп алды. Ол 1/8 финалда мексикалық Эмилио Певезаны 4:2, ал АҚШ спортшысы Дэлтон Робертсты 8:0 есебімен жеңді. Жартылай финалда Аманғали ирандық Реза Кедриге 0:9 есебімен есе жіберді. Р.Кедри кейін Әлем чемпионы атанды. Қола жүлде үшін болған кіші финалда Аманғали украиналық Алексей Мацыкты 8:0 есебімен ұтты.