ОҚО әкімі еркін күрестен жастар арасындағы Әлем чемпионатының қола жүлдегері Бағдәулет Әлментайды қабылдады

Оңтүстік Қазақстан облысының әкімі Бейбіт Атамқұлов Бразилияның Сальвадоре-де-Байя қаласында еркін күрестен жастар арасындағы Әлем чемпионатының қола жүлдегері Бағдәулет Әлментайды қабылдап, миллион теңгенің сертификатын сыйлады. Бұл туралы ОҚО әкімі аппаратының баспасөз қызметі хабарлады. Сондай-ақ Б.Әлментайдың жаттықтырушысы Тоймұханбет Төребекұлының да еселі еңбегін бағалап, бес жүз мың теңгенің сертификатын берді. Бүгінде Оңтүстік Қазақстанда 80 мемлекеттік меншіктегі спорт мекемелері мен кәсіпорындары жұмыс жасауда. Аталған ұйымдарда спортпен тұрақты түрде шұғылданатын 52 мыңнан астам спортшы мен 1565 жаттықтырушы қызмет атқарады.