Ғалымжан Үсербаев Бүкілəлемдік əскери Ойындардың қола жүлдесін иеленді

Оңтүстік Кореяда өтіп жатқан Бүкілəлемдік əскери Ойындарда қазақстандық Ғалымжан Үсербаев еркін күрестен 74 келі салмақ дəрежесінде қола медаль иеленді. Ол түрік палуаны А.Өздемір (10:0), тунистік В.Билел (10:0) жəне кілем қожайыны Лиден айласын асырып, тек жартылай финалда германиялық Г.Хартқа есе жіберді деп хабарлайды Kazakhstan Wrestling Online. Айта кетейік, осыған дейін әлемдік додада 65 келіде күрескен Азамат Шағапұлы қола, ал 57 келіде белдескен Владимир Кудрин күміс медаль жеңіп алған еді.