Мағжан Шәмшәдин дзюдодан жастар арасында Әлем чемпионы атанды

БАӘ-нің астанасы Әбу-Дабиде дзюдодан жастар арасында Әлем чемпионаты өтуде. Сайысқа 55 келі салмақ дәрежесінде сынға түскен қазақстандық Мағжан Шәмшәдин жеңіске жетіп, Әлем чемпионы атанды. Ол финалда Оңтүстік Корея елінің спортшысы Ха Рим Лиді «иппон» әдісімен ұтты. Мағжан финалға дейін өзбекстандық Достон Рузиевті, армениялық Ваган Ховсепянды, әзірбайжандық Натиг Гурбанлиді, жартылай финалда грузиялық Ираклий Купанадзені ұтты. Осылайша, Мағжан Шәмшәдин Қазақстаннан шыққан жастар арасындағы екінші Әлем чемпионы. Оған дейін Елдос Сметов 2010 жылы дәл осы салмақта (55 келі) жеңіске жеткен еді.