Максим Раков дзюдодан «Үлкен дулыға» турнирінде бесінші орын иеленді

Жапония астанасы Токио қаласында өткен дзюдодан «Үлкен дулыға» жарысында 100 келіге дейінгі салмақ дәрежесіндегі қазақстандық палуан Максим Раков бесінші орынға табан тіреді. Үшінші орын үшін күресте Максим Раков әлем рейтингінде бірінші орында тұрған әзірбайжандық дзюдошы Эльмар Гасымовпен белдесіп, жеңіліп қалды. Айта кетейік, аталмыш жарысқа 91 мемлекеттің спортшылары қатысты.