АҚШ-ТА ЕРКІН КҮРЕСТЕН ӘЛЕМ КУБОГЫ АЯҚТАЛДЫ
Сәуірдің 7-8 аралығында АҚШ-тың Айова қаласында еркін күрестен Әлем кубогы аяқталды. Командалық жарысқа сегіз команда қатысқан болатын. Қазақстан құрамасы сайысты жетінші орында аяқтады.
Топтық кезеңде отандастарымыз Монғолия, Әзірбайжан және Куба құрамаларымен кездесті.
Әлем кубогының қорытындысы бойынша АҚШ командасы жеңімпаз атанды. Екінші орында Әзірбайжан командасы жайғасса, үздік үштікті Жапония командасы түйіндеді.
