«Атырау» неміс футболшысымен келісімшарт жасасты

«Атырау» футбол клубы неміс футболшысымен екі жылдық келісімшарт жасасты. 24 жастағы Савио Нсереконың түпкі тегі угандалық.  Ол спорттық карьерасын «Мюнхен-1860» (Германия) клубынан бастаған. 17 жасында Италияның  «В» сериясындағы «Брешия» клубында ойнайды.  

Савио Германия жасөспірімдер құрамасына қабылданып, 2008 жылы Еуропа чемпионы атанады.

Жас өренді Англияның «Вест Хэм» клубы 9 миллион фунт стерлингке сатып алады. Ағылшын премьер-лигасында 10 ойын өткізген ол негізгі құрамға іліге алмаған.

Кейін Италияның «Фиорентина» клубына ауысады. Әрі қарай  «Болонья» (Италия), «Мюнхен-1860» (Германия), «Черноморец» (Болгария), «Юве Стабия» (Италия), «Васлуй» (Румыния) клубтарында ойнайды.