Роналду 400-ші голын Эйсебиоға арнады

Мадридтік «Реалдың» және Португалия құрамасының шабуылшысы Криштиану Роналду Испания чемпионатында «Сельтамен» өткізген ойында 400-ші голын салды, деп хабарлайды Goal.com.

«Реал» дүйсенбі күні өз алаңында «Сельтаны» 3:0 есебімен ұтты. Бұл ойында Кришитану екі мәрте көзге түсті. 90 минутта салған голы португалиялық футболшы үшін спорттық ғұмырыдағы 400-ші голы болды.

«Сантьяго Бернабеу» стадионындағы матч атақты футболшы Эйсебионы бір минуттық үнсіздікпен еске алудан басталды. Аты аңызға айналған футболшы жексенбі күні 71 жасында дүниеден озған еді. Криштиану Роналду бұл ойында соққан голдарын атақты отандасына арнады.