«Барселона» Чемпиондар Лигасынан шығып қалды

Испаниялық «Барселона» футбол клубы Мадридте жергілікті «Атлетико» командасынан ұтылып, УЕФА Чемпиондар Лигасынан шығып қалды, деп хабарлайды inform.kz. Испанияның астанасындағы матч алаң иелері пайдасына 1:0 есебімен аяқталды. Кездесудің 6-минутында «Атлетико» құрамасының ойыншысы Коке қарсылас қақпасына гол соқты. Осылайша екі матчтың қорытындысы бойынша (алғашқы кездесу «Камп Ноуда» 1:1 есебімен аяқталған) Месси бастағын еуропалық футбол турнирі көшбасшыларының бірі УЕФА Чемпиондар Лигасындағы бас жүлде үшін күресті аяқтады. Мюнхендік «Бавария» мен «Манчестер Юнайтед» командаларының ойыны да тартысты өтті. 3:1 есебімен қарсыласын артта қалырған «Бавария» жартылай финалға жолдама алды. Естеріңізге сала кетейік, бір күн бұрын турнирдің жартылай финалына мадридтік «Реал» мен лондондық «Челси» командалары шықты.