«KAZsport» телеарнасы футзалдан УЕФА Кубогының төрттік финалын тікелей эфирде көрсетеді

24-26 cәуірде Әзірбайжан астанасы Бакуде футзалдан УЕФА Кубогының төрттік финалы өтеді. Бұл турнирге «Қайрат» (Қазақстан), «Араз» (Әзірбайжан), «Динамо» (Ресей) және «Барселона» (Испания) командалары қатысады. «KAZsport» телеарнасы бұл турнирдің екі ойынын тікелей эфирде көрсетеді. Тікелей эфирде алматылық «Қайрат» пен мәскеулік «Динамо» арасындағы матч ұсынылады. Бұл ойын 24 сәуірде Астана уақытымен сағат 19:30-да басталады. Сонымен қатар, жанкүйерлер бұл турнирдің ақтық бәсекесін де тікелей эфирде тамашалай алады. Финалдық матч 26 сәуірде Астана уақытымен сағат 22:30-да басталады. Ал үшінші орын үшін матчты да көрермендер тамашалай алады. Бірақ, бұл ойын тікелей эфирде жүргізілмейді. Өйткені, бұл уақытта Дүниежүзілік бокс сериясының «Астана арландары» мен «Баку оттары» арасындағы кездесуі жоспарланған. Фото: uefa.com