Қарағандылық «Шахтер» Еуропа Лигасының үшінші іріктеу кезеңіне өтті

Қарағанды қаласының Орталық стадионында литвалық «Атлантас» командасына қарсы өткен қарымта ойын 3:0 есебімен аяқталды. «Шахтер» сапынан алғашқы голды Михрет Топчагич соқты. Ал, 15 минуттан кейін Ұлан Қоңысбаев есепті еселесе, 93 минутта Роман Муртазаев есепті 3:0-ге жеткізді. Айта кетейік, Клайпеде қаласында болған алғашқы ойын 0:0 есебімен тең аяқталған. Осылайша екі ойынның нәтижесі бойынша қарағандылық «Шахтер» клубы Лига Еуропаның үшінші іріктеу кезеңіне шықты. Енді «Шахтер» келесі кезеңде хорватиялық «Хайдук» командасымен ойнайды.