«Қайрат» – «Шахтер» – 6:1

Футболдан Қазақстан чемпионатының 24-ші турында «Шахтер» командасы «Қайраттан» жеңіліп қалды. Алматылық «Қайратқа» қарсы ойнаған қарағандылық футболшылар алғашқы таймда есеп ашқан еді. Тайм соңына дейін алматылық команда есепті теңестірген болатын. Алайда, екінші таймда қарағандылық команда жауапсыз 5 гол өткізіп, 6:1 есебімен ұтылды. Бұл команданы Виктор Кумыков басқарғалы бері клуб тарихындағы ең ірі жеңіліс болды. Бұған дейін «Шахтер» 0:4 есебімен «Ақтөбе» (12-тур) мен «Астана» (19-тур) командаларына ұтылған болатын. 24-ші турдың қорытындысы бойынша қарағандылық «Шахтер» 5-ші орынға түсіп қалды.