Қазақ радиосы тікелей эфирде Қазақстан-Латвия матчын ұсынады

Бүгін футболдан Қазақстан Ұлттық құрамасы Еуро-2016 додасының іріктеу кезеңі аясында Латвия құрамасымен кездеседі. Ойын «Астана-Арена» стадионында өтеді. Бас бапкер Юрий Красножан шәкірттерінің ойынын «Қазақстан» Ұлттық арнасы мен «KAZsport» телеарнасы Астана уақытымен сағат 21:50-де тікелей эфирде көретеді. Сондай-ақ, бұл ойынды Қазақ радиосының әуе толқынынан тікелей эфирде тыңдауға мүмкіндік бар. Жерлестерімізге жеңіс тілейміз!