Қазақстан – Латвия 0:0 есебімен тең түсті

2016 жылы Францияда өтетін Еуропа чемпионатына іріктеу кезеңінің алғашқы матчында «Астана Арена» стадионында Қазақстан мен Латвия футболшылары 0:0 есебімен тең тарқасты. Ойында 9 бұрыштама добын көтеріп, қақпаға қарай 9 рет соққы бағыттаған Қазақстан құрамасы есеп аша алмады. Осылайша, Юрий Красножан шәкірттері «А» тобында Латвия құрамасы сияқты 1 ұпайға қол жеткізді. «А» тобының қалған ойындары 00:45-те басталады. Қалған матчтарда Исландия Түркияны, ал Чехия Нидерланд футболшыларын қабылдайды. Енді Қазақстан құрамасы 2016 жылғы Еуропа чемпионатына іріктеу кезеңінің келесі матчын 10 қазан күні Нидерландта өткізеді. Фото: vesti.kz