«Ақтөбе» он жыл қатарынан үздік үштіктен көрінді

Футболдан Қазақстан Премьер-лигасының  30-шы турының қорытындысы бойынша «Ақтөбе» клубы бұл маусымда кем дегенде үшінші орынға ие болады.

Бұл «Ақтөбе» футболшыларының  Қызылордада жергілікті «Қайсарымен» 2:2 есебімен тең түсіп, шымкенттік «Ордабасының» Алматыда «Қайратқа» (0:2) ұтылғанынан кейін белгілі болды.

Владимир Газзаев шәкірттерінің еншісінде 31 ұпай бар. Ал, «Ордабасы» мен «Қайсар» чемпионат аяқталуына екі тур қалғанда 24 ұпай жинады.

Сонымен қатар, «Ақтөбе» келесі маусымда Еуропа Лигасына қатысу мүмкіндігіне ие болды. «Ақтөбе» он жыл қатарынан үздік үштіктен көрініп отыр.