Тікелей эфир: «Манчестер Сити» мен «Челси»

Англия премьер-лигасы 4-ші турының орталық матчы «Манчестер Сити» мен «Челси» клубы арасында өтеді. Былтырғы маусымда қос клуб премьер-лига аясында екі рет кездесіп, екі ойында да «Челси» клубы жеңіске жеткен болатын. Соған қарамастан, «Манчестер Сити» ел чемпионы атанса, «Челси» клубы үшінші орынды қанағат тұтқан еді. «Манчестер Сити» өткен турда «Арсенал» клубымен тең ойнап, турнир кестесінде 7 ұпаймен 5-ші орынға жайғасты. Ал, «Челси» клубы әзірге жеңіліс не екенін білмей келеді. Барлық кездесуде жеңіске жетіп, турнир кестесінде 12 ұпаймен топ бастап келеді. Бұл ойынды «KAZsport» телеарнасы жексенбі, 21-ші қыркүйек, Астана уақытымен 20:55-те тікелей эфирде көрсетеді.