Феликс Магат: Ағылшындықтар неміс футболшыларынан үйренуі тиіс

«Фулхэмнің» экс-бас бапкері Феликс Магат қорғаушы Бреде Хангеланд жарақат алуына байланысты футболшыға ірімшік арқылы емделуді ұсынған болатын. «Бұл көне халық рецепті. Мен дәрігерлердің ісіне араласқан емеспін. Бірақ, ұжданым алдында азап шегіп жүргенім жоқ. Тәккапар болып көрінгім келмейді, алайда ағылшындықтар неміс футболынан біраз нәрсені үйренуі керек. Оларға әлі айтарым да көп», - дейді Магат. Айта кетейік, бұған дейін «Фулхэмнің» бұрынғы ойыншысы Йон-Арне Рийсе Магатты қатаң сынға алған еді. Өткен аптада неміс маманы отставкага кеткен болатын.