«Астана» клубына жаңа президент тағайындалды

Елордалық «Астана» футбол клубының президенті болып Саян Жақсыгелдіұлы Хамитжанов тағайындалды. Бұл туралы клубтың баспасөз қызметі хабарлады. Жаңа президентті шаңғы спортынан Олимпиада чемпионы, «Астана» ПКСК президенті Владимир Смирнов таныстырып, алдағы маусымға сәттілік тіледі. Айта кетейік, осы уақытқа дейін «Астана» клубының президенттік қызметін Қайсар Бекенов атқарған.