«Қазақстан» Ұлттық телеарнасы Қазақстан-Исландия матчын тікелей эфирде көрсетеді

Футболдан Қазақстан Ұлттық құрамасы 28 наурызда 2016 жылғы Еуропа Чемпионатының іріктеу турнирінде Исландия құрамасын қабылдайды. Исландия құрамасы іріктеу кезеңіндегі төрт ойынның тек біреуінде ғана жеңіліп, «А» тобынында екінші орында келе жатыр. Ал, Қазақстан Ұлттық құрамасы әзірге бір ұпаймен топ соңында келеді. Айта кетейік, «Қазақстан» Ұлттық телеарнасы Қазақстан-Исландия матчын Астана уақытымен сағат 20:40-та тікелей эфирде көрсетеді. Фото: KFF