«Ордабасы» футбол клубы Иерусалимде ойын алдындағы жаттығуларын өткізді

Қазақстанда «Ордабасы» және «Бейтар» клубтары арасында 2 шілдеде өткен алашқы ойын 0:0 есебімен тең аяқталған. Еуропа Лигасының іріктеу кезеңінде ойнап жатқан Қазақстандық «Ордабасы» клубы кеше «Бейтар» (Израиль) клубына қарсы ойнау үшін Иерусалим қаласына жетіп, ойын алдындағы алғашқы жаттығу-жиынын өткізді. Турнирдің бірінші іріктеу кезеңіндегі алғашқы ойында «Ордабасы» клубы өз алаңында Иерусалимдік «Бейтар» клубын қабылдап, 0:0 есебімен тең тарасқан. Қос клуб арасындағы қарымта кездесу бүгін Израиль астанасында өтеді. Айта кетейік, «Ордабасы» мен «Бейтар» клубтары арасындағы ойынды тікелей эфирде «KAZsport» телеарнасынан сағат 23:00-де тамашалай аласыздар.