«Қайрат» - «Бордоны» 2:1 есебімен ұтты

Алматының «Орталық стадионында» Еуропа Лигасының плей-офф раунды аясында «Қайрат» пен франциялық «Бордо» арасындағы ойын аяқталды. Тартысты өткен матч 2:1 есебімен аяқталды. Матчтың 1-ші минутында «Бордоның» қорғаушысы Седрик Ямбере өз қақпасына гол соғып алды. Осыдан кейін 2-ші таймда «Қайрат» ойыншысы Исламбек Қуат есепті еселеп, 2:0-ге жеткізді. Алайда ойынның 76-шы минутында қонақтар сапынан Кривелли гол соғып кетті. Осылайша, Еуропа Лигасының топтық кезеңіне франциялық «Бордо» өтті. Айта кетейік, Францияда өткен алғашқы кездесуде «Бордо» «Қайратты» 1:0 есебімен ұтқан еді. «Қайрат» (Алматы, Қазақстан) — «Бордо» (Бордо, Франция) 2:1 (1:0) Алғашқы матч: 0:1 Голдар: Ямбере автогол 1 (1:0), Қуат 66 (2:0), Кривелли 76 (2:1) Ескертулер: Тимощук 38 — Траоре 21, Хазри 39, Кривелли 85 «Қайрат»: Плотников, Бруно Соарес, Маркович, Қуантаев (Көкеев 87), Қуат, Бақаев, Исламхан (Деспотович 83), Исаэл, Тимощук, Гоу, Риера «Бордо»: Прьор, Паллуа, Ямбере, Жильбер, Пундже, Траоре (Морис-Беле 69), Поко, Хазри, Ролан (Кривелли 69), Севе, Кизе-Телин Бас төреші: Бас Нейхейс (Нидерланд) 27 тамыз. Алматы. Орталық стадион.