ОҚО-да Қазақстан футбол Федерациясының Академиясы ашылады

Шымкентте ҚР Тұңғыш Президенті күні Қазақстан футбол Федерациясы «Оңтүстік» футбол Академиясының салтанатты ашылу рәсімі өтеді. «Оңтүстік» футбол Академиясы Қазақстан футбол федерациясының бастамасымен, мемлекеттік және дербес серіктестік негізінде құрылды. Бүгінгі күнге дейін Испанияның «Барселона» футбол мектебінің бес маманы оңтүстік аймақтарды аралап, 10 мен 14 жас аралығындағы 600 ден аса баланы іріктеуден өткізді. Үздік деп танылған 65 бала жас ерекшеліктеріне қарай 22 адамнан үш топқа бөлініп жаттығуларын бастап кетті. Қаңтар айында 2004 жылы туылған тағы 22 бала қатарға қосылады. Ал, 2017 жылы жыл сайын бір топтан қосып отыру жоспарланған.