Еуро-2016. Польша құрамасы Украинаны 1:0 есебімен ұтты

Еуропа чемпионатының «С» тобындағы Польша мен Украина құрамаларының арасындағы 3-ші тур ойыны аяқталды. Бұл ойында Польша құрамасы Украинаны 1:0 есебімен ұтты. Бірінші таймда құрамалар алма-кезек шабуылдағанымен қақпаға гол соғылмады. Ал, екінші таймның 49-шы минутында Польша құрамасының футболшысы Якуб Блащиковски гол салып, құрамасын алға шығарды. Қорытынды есеп – 1:0. Айта кетейік, Польша құрамасы 7 ұпаймен топта екінші орын алып, чемпионаттың плей-офф кезеңіне жолдама алды.