«Қайрат» пен «Маккаби» командаларының бастапқы құрамдары белгілі болды

УЕФА Еуропа лигасының екінші біліктілік кезеңі аясында «Қайрат» пен «Маккаби» арасындағы кездесудегі командалардың бастапқы құрамдары белгілі болды, деп хабарлайды Vesti.kz. «Қайрат» қақпасында Владимир Плотников ойнайды, ал алғашқы минуттардан алаңға Жарко Маркович, Сесар Арсо, Гафуржан Суюмбаев, Станислав Лунин, Михаил Бакаев, Анатолий Тимощук, Херсон Асеведо, Андрей Аршавин, Исаэл және Жерар Гоу шығады. «Маккаби» құрамы келесідегідей: Райкович(В), Медунянин, Альберман, Бен-Хаим, Миха, Тиби, Рикан, Бен-Хаим, Игиебор, Перец и Орланду Са. Бір апта бұрын Алматыда болған алғашқы кездесу 1:1 есебімен тең аяқталған болатын. Алматылық клубқа Еуропа лигасының келесі кезеңіне өту үшін жеңіс немесе 2:2 және одан үлкен нәтижелі тең ойын қажет. Естеріңізге сала кетсек, көрермендер ойынды 22:50-де «Қазақстан» телеарнасынан тікелей эфирде тамашалай алады.