Усэйн Болт Достастық турниріне қатысады

Алты рет Олимпиада чемпионы атанған ямайкалық спринтер Усэйн Болт төрт жылда бір өтетін Достастық турнирінде 4х100 метрлік эстафетаға қатысатынын мәлімдеді. «Бұл эстафетаға қатысуым қажет, өйткені биыл маусымдағы – алғашқы турнир. Өткен айда біраз жұмыстар жүргіздім. Өзімнің дайындығыма көңілім тоқ. Спорттық бабыма толықтай еніп келемін. Бұл – қашықтыққа жүгіру емес, бұл – эстафета. Сондықтан, бар күшімді жұмсағым келмейді. Бастысы, жарақат алып қалмасам екен», - дейді Болт. Биыл ХХ рет ұйымдастырылып отырған Достастық турнирі Шотландияның Глазго қаласында өтеді.