Татьяна Капустина жасөспірімдер арасындағы ауыр атлетикадан Әлем чемпионатында алтын медаль иеленді

Қазақстандық зілтемірші Татьяна Капустина Лимада (Перу) өтіп жатқан Әлем чемпионатындағы 17 жасқа дейінгі спортшылар арасында алтын жүлде жеңіп алды. 69 келіге дейінгі салмақ дәрежесінде сынға түскен Капустина екі жаттығу қорытындысы бойынша 243 келі (110 + 133) салмақ көтерген. Бұл Қазақстан Ұлттық құрамасының Перудегі екінші алтын жүлдесі. Осы уақытқа дейін ерлер арасындағы 50 келіге дейін жарыста Игорь Сон Әлем чемпионы атанған. Сонымен қатар, қыздар арасында Әйгерім Әуелбек (58 келіге дейін) күміс медаль иеленсе, ұлдар арасында Шыңғыс Сағындықов (85 келіге дейін) Әлем чемпионатының қола жүлдесін жеңіп алған еді.