Қазақстандық Надежда Ногай ауыр атлетикадан Әлем чемпионы атанды

Қазақстандық Надежда Ногай Польшаның Вроцлав қаласында ауыр атлетикадан жастар арасында өткен Әлем чемпионатында жеңіске жетті. Надежда 75 келіден астам салмақ дәрежесінде қоссайыс қорытындысы бойынша 275 (125+150) келі көтерген. Тайланд елінің спортшысы Дуанганксор Чаиди (259 келі) 2-ші орын иеленсе, тунистік Йосра Диб (251 келі) 3-ші орынға тұрақтаған. Ауыр атлетикадан Қазақстан құрамасының бас бапкері Алексей Ни Надежда Ногайдың екінші орын алған қарсыласынан 16 келіні артық көтергенін атап өтті. Бұл оның мүмкіндігінің шегі емес. Осылайша, ауыр атлеттер арасында болашағынан үлкен үміт күттіретін жастар өсіп келеді. Фото: Қазақстанның ауыр атлетика федерациясының әлеуметтік желідегі парақшасынан