Универсиада-2015. Никита Филиппов сырықпен секіруден алтын жүлде иеленді

Оңтүстік Кореяның Кванджу қаласында XXVIII Жазғы Универсиада ойындары жалғасуда. Бүгін Қазақстан құрамасының қоржыны бесінші алтын медальмен толықты. Сырықпен секіруден Никита Филиппов 5,5 метрге секіріп, Универсиада чемпионы атанды. Күміс жүлдені ресейлік Илья Мудров алса, польшалық Роберт Собера қола медаль ұтып алды. Осылайша 5 алтын, 4 қола медаль иеленген Қазақстан Ұлттық құрамасы жалпы командалық есепте 10-шы орынға көтерілді. Еске сала кетейік, «KAZsport» телеарнасы Кванджудағы Универсиада ойындарын тікелей эфирде көрсетуде.