Қазақстандық ауыр атлеттер Алмас Өтешов, Жасұлан Қыдырбаев және Ермек Өміртай допинг қолданды деп айыпталуда

Халықаралық ауыр атлетика федерациясы (IWF) Хьюстонда өткен Әлем чемпионатанды қазақстандық спортшылар Алмас Өтешов, Жасұлан Қыдырбаев және Ермек Өміртайдың қандарынан рұқсат етілмеген препараттың ізі табылғанын хабарлады. Допинг дауына Қазақстан, Ресей, Әзірбайжан, Беларусь, Грекия, Молдова, және солтүстіккорея елдерінің 17 спортшысы ілігіп отыр. Бұл спортшылардың бірінші допинг тексеруінің нәтижесі. Енді, Халықаралық ауыр атлетика федерациясы спортшылардың қанын екінші рет тексеруге жібереді, егер бұл тексеруде де спортшылардың допинг қолданғаны дәлелденсе, 2 жылға спорттан шеттетіледі. Қазақстандықтардың арасында Жасұлан Қыдырбаев бұл дауға екінші рет ілігіп отыр. Ол 2012 жылы допингпен ұсталып, 2 жылға спорттан шеттетілген болатын. Бұл жолы да допинг қолданғаны анықталса өмір бойы спорттан шеттетілуі мүмкін. Еске сала кетейік, Хьюстонда өткен Әлем чемпионатында 94 келі салмақта Алмас Өтешов күміс, Жасұлан Қыдырбаев қола медель иеленген еді.