Ярослава Шведова Бразилияда өтіп жатқан WTA турнирінің жартылай финалына өтті

Қазақстандық теннисші Бразилиядағы «Brasil Tennis Cup» турнирінің жартылай финалына өтті. Ол ширек финалда румыниялық Александра Кадантуды 6:3; 6:3 есебімен жеңді.

Сонымен қатар, қазақстандық теннисші осы турнирдің жұптық жарысының финалдық кезеңіне шықты. Ол испаниялық Анабель Медина-Гарригеспен бір жұпта ойнап, жартылай финалда Ваня Кинг (АҚШ) пен Барбара Заглавова-Стрыцовадан (Чехия) 7:6; 6:1 есебімен басым түсті.