Ярослава Шведова жұптық бәсекеде жеңіске жетті

АҚШ-тың Чарльстон қаласында өтіп жатқан жүлде қоры 710 мың АҚШ доллары тұратын Family Circle Cup турнирінің жұптық бәсекесінде қазақстандық Ярослава Шведова мен испандық Аннабель Медина-Гарригес жұбы келесі кезеңге жолдама алды. Олар алғашқы айналымда канадалық-америкалық жұп Эжени Бушар мен Тэйлор Таунсендтен 6:7 (0), 6:3, 10:7 есебімен басым түсті. Шведова мен Медина-Гарригестің келесі қарсыласы әзір анықталған жоқ. Олар Су-Вей Се (Тайвань)/Шуай Пенг (Қытай) - Марина Эракович (Жаңа Зеландия)/Аранта Парра-Сантойя (Испания) матчының жеңімпаздарымен кездеседі.