Бақтияр Артаев WSB комиссиясының құрамына енді

Бүгін әуесқой бокстың Халықаралық қауымдастығының (AIBA) президенті Чин Куо Ву WSB (Бүкіләлемдік Бокс Сериясы) комиссиясының жаңа мүшелерін тағайындады.

WSB  комиссиясының басшысы болып аргентиналық Освальдо Бисбал тағайындалса, оның көмекшісі ресейлік Максим Шабарин болды. Комиссия құрамына Афина Олимпиадасының чемпионы, «Астана» президенттік кәсіби спорт клубының басшысы Бақтияр Артаев та енді.

Жаңа құрылған комиссия мүшелерінің арасында әзірбайжандық «Баку Файерс» клубының бас менеджері Ризван Генжиев, Альберто Пуй де ла Барса (Куба), Джон Дови (Франция), Энтони Бартковски (АҚШ) бар.

Естеріңізге сала кетейік, «Астана Арланс» WSB  аясындағы бәсекенің алғашқы кездесуін ертең Алматыда дәл осы «Баку Файерс» клубымен өткізеді.