Қанат Ислам Майамиде жекпе-жек өткізеді

Қазақ боксшысы Қанат Ислам 9 қарашада өткізген соңғы жекпе-жегінде Доминикан Республикасының боксшысы Джуниор Рамосты алғашқы раундта-ақ жеңген болатын. Боксшы кәсіпқой рингтегі өзінің келесі жекпе-жегін 14 желтоқсанда Майамидағы «Scala Bay Club» кешенінде  өткізеді.  Әзірге қарсыласы белгісіз.

Бұл - 29 жастағы Қанат Исламның кәсіпқой рингтегі 15-ші жекпе-жегі болмақ. Ол кәсіби карьерасындағы 14 жекпе-жектің барлығында жеңіске жетті. Оның ішінде 12 жекпе-жекті мерзімінен бұрын аяқтады.