Азия чемпионаты. Мариан Ордабаева – қола жүлдегер

Кувейттің астанасы Эль-Кувейтте дзюдодан Азия чемпионаты өтуде. Жарыстың алғашқы күні спортшыларымыз екі қола медаль ұтып алды. Қазақстан қоржынына алғашқы медальді Елдос Жұмаханов (66келі) салған еді. Ал, 63 келі салмақ дәрежесінде сынға түскен Мариан Ордабаева Азия чемпионатының қола жүлдесін иеленді. Ол алғашқы кездесуде тайпейлік Хан Ших Хуангтан ұтылып, кейін таиландтық Орапин Сенатхамды жеңген. Осылайша қола жүлдеге таласуға мүмкіндік алған Мариан шешуші белдесуде қытайлық Жунця Янгтан басым түсті. Айта кетейік, Кувейтте өтіп жатқан дзюдодан Азия чемпионатын «KAZsport» телеарнасы тікелей эфирде сағат 19:45-те көрсетеді.